#مشروع_مقهى باش ينجح لك مشروع مقهى خاصك تمشي خطوة بخطوة، ماشي غير "ق...

#مشروع_مقهى
باش ينجح لك مشروع مقهى خاصك تمشي خطوة بخطوة، ماشي غير "قهوة بلاصة زوينة" و صافي 👇

1️⃣ الموقع و الزبون*
اختار بلاصة فيها حركة: قريبة من جامعة، مكاتب، ولا حي سكني راقي..... سول راسك: شكون الزبون ديالي؟ طلبة بغاو wifi و لابتوب، ولا ناس كبار بغاو الهدوء ....؟ المهم الموقع يحدد 70% ديال النجاح.

2️⃣ الفكرة و التميز*
"مقهى عادي" ما كافيش دابا. شنو يخليك مختلف؟ قهوة مختصة، مكان ديال الكتب، العاب ورق، .....، ولا حتى القهوة ديالكم عندها وصفة خاصة. عطي سبب يخلي الناس ترجع....

3️⃣ الدراسة المالية *
حسب مزيان: الكراء، التجهيز، الماكينة ديال القهوة، الرواتب ديال الخدامة، الضرائب، و رأس مال يغطي 6 شهور حتى تشد بلاصتك.... أغلب المقاهي كتسد حيت السيولة سالات قبل ما الربح يبدا...... خلي ديما هامش لصالحك.

4️⃣الجودة *
ماكينة قهوة مزيانة + باريستا معلم = زبون دائم. القهوة ديالك خاصها نفس الطعم كل نهار. الناس كتجي على حاجة وحدة: الجودة و الثقة.

5️⃣ الخدمة و الجو*
الموظف البشوش كيبيع كتر من القهوة. الجو: إضاءة مريحة، كراسي مرتاحين، موسيقى ماشي عالية بزاف. المقهى هو "دار تانية" للناس، ماشي غير بلاصة كتشرب فيها القهوة ...

6️⃣ التسويق من النهار الأول*
قبل ما تحل، صور البلاصة و الخدمة و حطها فـ انستغرام/تيكتوك.فيسبوك عروض الافتتاح، كارت وفاء "اشري 9 قهاوي و العاشرة فابور". الزبون الأول هو اللي غادي يجيب 10 موراه.

🔴أكبر غلطة: تبدا كبير بزاف فالتجهيز و تنسى التشغيل اليومي. بدا بسيط و نقي، و طور مع الوقت حسب طلب الزبناء.

اشنو بان لكم فارباح المقهى والسلبيات ؟
واشنو المشروع المقبل لي بغيتي ناقشو